டெல்லிக்கு எதிரான ஆட்டத்தில் டாஸ் வென்ற பெங்களூரு பேட்டிங் தேர்வு

Date:

16-வது ஐ.பி.எல். கிரிக்கெட் போட்டி இந்தியாவின் பல்வேறு நகரங்களில் நடந்து வருகிறது. இதில் இன்று இரவு 7.30 மணிக்கு டெல்லி அருண்ஜெட்லி ஸ்டேடியத்தில் நடக்கும் ஆட்டத்தில் டேவிட் வார்னர் தலைமையிலான டெல்லி கேப்பிட்டல்ஸ் அணி, பாப் டு பிளிஸ்சிஸ் தலைமையிலான பெங்களூரு ராயல் சேலஞ்சர்சை எதிர்கொள்கிறது.

5 வெற்றி, 4 தோல்வி என்று 10 புள்ளிகளுடன் உள்ள பெங்களூரு அணி இன்றைய ஆட்டத்தில் வெற்றி பெற்றால் தனது நிலையை இன்னும் திடப்படுத்திக் கொள்ளலாம்.

இந்த சீசனில் ஏற்கனவே சந்தித்த லீக்கில் டெல்லியை வீழ்த்தியிருப்பதால் பெங்களூரு வீரர்கள் நம்பிக்கையுடன் களம் இறங்குவார்கள். விராட் கோலி, பிளிஸ்சிஸ், மேக்ஸ்வெல் ஆகியோரின் ரன்வேட்டை தொடர்ந்தால் பெங்களூருவை அடக்குவது கடினம்.

அதே சமயம் முதல் 5 ஆட்டங்களில் வரிசையாக உதைவாங்கிய டெல்லி அணி, கடைசி 4 ஆட்டங்களில் 3-ல் வெற்றி பெற்று சரிவில் இருந்து மீண்டுள்ளது.

கடந்த ஆட்டத்தில் 131 ரன்களை இலக்காக நிர்ணயித்து குஜராத்தை 5 ரன் வித்தியாசத்தில் தோற்கடித்து ஆச்சரியமான ஒரு வெற்றியை ருசித்தது.

கடைசி சில ஆட்டங்களில் சொதப்பிய கேப்டன் வார்னர் ரன்குவிக்க வேண்டிய நெருக்கடியில் உள்ளார்.  எஞ்சிய ஆட்டங்கள் அனைத்திலும் வெற்றி பெற்றால் மட்டும் ‘பிளே-ஆப்’ வாய்ப்பை பற்றி நினைத்து பார்க்க முடியும் என்பதால், இது அவர்களுக்கு வாழ்வா-சாவா மோதலாக அமைந்துள்ளது.

இந்த போட்டிக்கான டாஸ் போடப்பட்டது. இதில் டாஸ் வென்ற பெங்களூரு அணி கேப்டன் பாப் டு பிளிஸ்சிஸ் பேட்டிங்கை தேர்வு செய்தார். இதையடுத்து பெங்களூரு அணி முதலில் பேட்டிங் செய்ய உள்ளது.

 

 

 

Share post:

spot_imgspot_img

Popular

More like this
Related

ஆப்கானிஸ்தானை அடித்து நொறுக்கிய வெஸ்ட் இண்டீஸ்.. 104 ரன்கள் வித்தியாசத்தில் அபார வெற்றி

டி20 உலகக் கோப்பை தொடரின் 40-வது போட்டியில் ஆப்கானிஸ்தான் மற்றும் வெஸ்ட்...

20 ஓவர் உலக கோப்பை: சூப்பர்-8 முதல் போட்டியில் தென்ஆப்பிரிக்கா-அமெரிக்கா மோதல்

20 ஓவர் உலக கோப்பை போட்டி அமெரிக்கா மற்றும் வெஸ்ட் இண்டீசில்...

சென்னை-நாகர்கோவில் புதிய வந்தே பாரத் ரெயிலை தினசரி ரெயிலாக இயக்க முடிவு

சென்னையில் இருந்து தென் மாவட்டப் பகுதிகளுக்கு செல்லும் ரெயில்களும் அங்கிருந்து சென்னைக்கு...

நியூசிலாந்தை 75 ரன்னில் சுருட்டி ஆப்கானிஸ்தான் அசுர வெற்றி

டி20 உலகக் கோப்பை கிரிக்கெட் தொடரில் வெஸ்ட் இண்டீஸ் கயனாவில் உளள்...