பிரபல செய்தி நிறுவனம் ஏ.என்.ஐ.யின் டுவிட்டர் கணக்கு முடக்கம்

Date:

செய்தி வழங்கும் நிறுவனங்களில் ஒன்றான ஏ.என்.ஐ. சமூக ஊடக தளங்களிலும் செயல்பட்டு வருகிறது. இதன்படி, வெளிவரும் ஏ.என்.ஐ. டுவிட்டருக்கு 76 லட்சம் பயனாளர்கள் பாலோயர்களாக இருந்து வருகின்றனர்.

ஏ.என்.ஐ.யின் டுவிட்டர் கணக்கு பக்கம் முன்னறிவிப்பின்றி திடீரென இன்று முடங்கியது. இதற்கான காரணம் தெரிய வராமல் பயனாளர்கள் அதிர்ச்சி அடைந்தனர்.

அந்நிறுவனத்தின் ஆசிரியர் ஸ்மிதா பிரகாஷ், ஏ.என்.ஐ. டுவிட்டர் பக்கம் முடக்கப்பட்டதற்கான காரணங்களை தனது தனிப்பட்ட கணக்கை பயன்படுத்தி டுவிட்டரில் வெளியிட்டு உள்ளார்.

அதில், 76 லட்சம் பின்தொடர்பவர்களை கொண்டு செயல்படும் இந்தியாவின் மிக பெரிய செய்தி நிறுவனம் ஏ.என்.ஐ.யை டுவிட்டர் நிறுவனம் முடக்கி உள்ளது. அதனுடன் இந்த மெயிலையும் அனுப்பி உள்ளது.

அதில், 13 வயதுக்கு கீழ் உள்ளது என தெரிவித்து உள்ளது. எங்களுடைய தங்க நிற டிக் குறியீடு பறிக்கப்பட்டது. அதற்கு பதிலாக நீலநிற டிக் (புளூ டிக்) குறியீடு மாற்றி வழங்கப்பட்டது. தற்போது அது முடக்கப்பட்டு உள்ளது என தெரிவித்து உள்ளார்.

இந்த டுவிட்டர் கணக்கின் உரிமையாளர் குறைந்தபட்ச வயது தேவையை நிறைவேற்றவில்லை என்று கூறி கணக்கு முடக்கப்பட்டு உள்ளது என அவர் தெரிவித்து உள்ளார்.

அந்த மெயிலானது, டுவிட்டர் கணக்கை தொடங்க குறைந்தது 13 வயது இருக்க வேண்டும் என தெரிவிக்கின்றது. நீங்கள் தேவையான அந்த வயது அடையவில்லை. அதனால், உங்களது கணக்கு முடக்கப்படுகிறது. டுவிட்டரில் இருந்தும் நீக்கப்படும் என தெரிவித்து உள்ளது.

இதேபோன்று என்.டி.டி.வி.யின் டுவிட்டர் கணக்கும் முடங்கி உள்ளது. இதற்கான காரணம் என்னவென தெரிய வரவில்லை.

Share post:

spot_imgspot_img

Popular

More like this
Related

ஆப்கானிஸ்தானை அடித்து நொறுக்கிய வெஸ்ட் இண்டீஸ்.. 104 ரன்கள் வித்தியாசத்தில் அபார வெற்றி

டி20 உலகக் கோப்பை தொடரின் 40-வது போட்டியில் ஆப்கானிஸ்தான் மற்றும் வெஸ்ட்...

20 ஓவர் உலக கோப்பை: சூப்பர்-8 முதல் போட்டியில் தென்ஆப்பிரிக்கா-அமெரிக்கா மோதல்

20 ஓவர் உலக கோப்பை போட்டி அமெரிக்கா மற்றும் வெஸ்ட் இண்டீசில்...

சென்னை-நாகர்கோவில் புதிய வந்தே பாரத் ரெயிலை தினசரி ரெயிலாக இயக்க முடிவு

சென்னையில் இருந்து தென் மாவட்டப் பகுதிகளுக்கு செல்லும் ரெயில்களும் அங்கிருந்து சென்னைக்கு...

நியூசிலாந்தை 75 ரன்னில் சுருட்டி ஆப்கானிஸ்தான் அசுர வெற்றி

டி20 உலகக் கோப்பை கிரிக்கெட் தொடரில் வெஸ்ட் இண்டீஸ் கயனாவில் உளள்...