யாழ்ப்பாணம் – கைதடி பகுதியில் நேற்று (19) இரவு இடம்பெற்ற வாகன விபத்தில் கொடிகாமம் காவல்துறை போக்குவரத்துப் பிரிவின் உப காவல்துறை பரிசோதகர் ஒருவர் உயிரிழந்துள்ளார்.
உந்துருளியில் பயணித்த உத்தியோகத்தரை பின்னால் வந்த இலங்கை பேருந்து ஒன்று மோதியதோடு, எதிரில்வந்த பாரவூர்தியொன்றும் குறித்த உந்துருளியை மோதியதாலும் இந்த விபத்து சம்பவித்ததாக எமது பிராந்திய செய்தியாளர் குறிப்பிடுகின்றார்.
குருநாகல் பகுதியைச் சேர்ந்த 54 வயதுடைய நபரே சம்பவத்தில் உயிரிழந்துள்ளார்.
சம்பவம் தொடர்பில் பேருந்து மற்றும் பாரவூர்தியின் சாரதிகளை சாவகச்சேரி காவல்துறையினர் கைது செய்துள்ளனர்.
