அத்துருகிரிய பகுதியில் கோழி இறைச்சி வர்த்தகர் ஒருவரின் கண்கள் மீது மிளகாய் தூள் எறிந்து பணத்தை கொள்ளையிட்ட பெண்கள் இருவர் உள்ளிட்ட மூவர் கைது செய்யப்பட்டுள்ளனர்.
வர்த்தகருக்கு சொந்தமான பாரவூர்தியின் சாரதி, வர்த்தகரின் மனைவி மற்றும் பிரிதொரு பெண் ஆகியோரே இவ்வாறு கைது செய்யப்பட்டுள்ளனர்.
வர்த்தகர் மற்றும் சந்தேக நபர்கள் மூவரும் பாரவூர்தியில் பயணித்துக்கொண்டிருக்கையில் இயற்கை உபாதை கழிப்பதற்காக வாகனத்தை நிறுத்திய சந்தர்ப்பத்திலேயே வர்த்தகருக்கு மிளகாய் தூள் எறியப்பட்டுள்ளது.
வர்த்தகரிடமிருந்து கொள்ளையிடப்பட்டதாக தெரிவிக்கப்பட்ட ஒரு இலட்சத்து 86 ஆயிரத்து 500 ரூபாய் பணம் மீட்கப்பட்டுள்ளது.
மேலும் சந்தேக நபர்களை நீதிமன்றில் முன்னிலைப்படுத்த காவல் துறையினர் நடவடிக்கைகளை மேற்கொண்டு வருகின்றனர்.
