வேகமாக பைக்கில் செல்லும் வீடியோக்களை யுடியூப்பில் வெளியிட்டு பிரபலமான`யூ-டியூப்’ வாசன் கதாநாயகனாக அறிமுகமாகும் படத்துக்கு `மஞ்சள் வீரன்’ என்று பெயர் வைத்துள்ளனர். மேலும் இதில் பல முன்னணி நடிகர்-நடிகைகள் நடிக்க உள்ளனர். கூல் சுரேஷ் குணச்சித்திர கதாபாத்திரத்தில் நடிக்கிறார்.
இந்தப் படத்துக்கு கதை, திரைக்கதை, வசனம் எழுதி செல்அம் டைரக்டு செய்கிறார். `அனைத்து வயதினரையும் கவரும் வகையில் ஜனரஞ்சகமான ஆக்ஷன் திரைப்படமாக தயாராகிறது’ என்று அவர் தெரிவித்தார். டி.டி.எப் வாசன் 2 மாதம் நடிப்பு பயிற்சி எடுத்து நடிக்கிறார் என்றும் அவர் கூறினார். பட்ஜெட் பிலிம் கம்பெனி மற்றும் டாக்டர் கவிதா பிரியதர்ஷினி இணைந்து தயாரிக்கின்றனர். கொளஞ்சி குமார் ஒளிப்பதிவு செய்கிறார். படப்பிடிப்பு இந்த மாதம் இறுதியில் தொடங்க உள்ளது.
