Allianz Lanka நிறுவனமானது அதன் சமீபத்திய Global NPS மதிப்பாய்வின் முடிவுகளின் அடிப்படையில்அதன் போட்டியாளர்கள் மத்தியில் Loyalty Leader நிலையை பெற்று சந்தையில் முன்னணியில் இருப்பதை அறிவிப்பதில் மகிழ்ச்சி அடைகிறது. அனைத்து 5 வாடிக்கையாளர் பயணங்களிலும் Allianz நிறுவனமானது போட்டியாளர்களை மிஞ்சி சிறந்த வணிக இயக்கிகளில் அதிக புள்ளிகளைப் பெற்று சாதனை படைத்துள்ளது.
NPS மதிப்பாய்வு என்பது Allianz குழுமம் அதன் அனைத்து OEக்களுடனும் இணைந்து அதன் வர்த்தக நாமத்தின் மீது வாடிக்கையாளர் கொண்டுள்ள விசுவாசத்தை அளவிடுவதற்காக நடத்தப்படும் வருடாந்திர ஆய்வு ஆகும். விலை, வர்த்தக நாமம், சேவைத் தரம், தயாரிப்பு தரம் ஆகியவற்றோடு விற்பனை, புதுப்பித்தல், உரிமைகோரல்கள், தொடர்பு மற்றும் ஒப்பந்த மேலாண்மை போன்ற வாடிக்கையாளர் தொடர்பான அம்சங்கள் போன்ற வணிக இயக்கிகளை கருத்தில் கொண்டு, ஏதேனுமொரு காப்பீட்டு வர்த்தகநாமத்தைப் பரிந்துரைப்பதற்கான அவர்களின் விருப்பத்தைக் கண்டறிய, காப்பீட்டுக் கொள்கை வைத்திருப்பவர்களின் கருத்துகளின் ஆழமான நுண்ணறிவு மூலம் Net Promoter score (NPS) அளவிடப்படுகிறது.
இந்த சாதனையின் முக்கியத்துவத்தை Allianz Lanka வின் பிரதம நிறைவேற்று அதிகாரி அலன் ஸ்மி விளக்கும்போது, “வாடிக்கையாளரின் விசுவாசத்தை அளவிடுவதற்கும், எந்தவொரு நிறுவனத்திற்கும் எதிர்கால வணிக வளர்ச்சியைக் கணிப்பதற்கும் Net Promoter score (NPS) ஒரு முக்கியமான கருவியாகும். அதிக NPS மதிப்பெண் என்பது ஒரு வர்த்தக நாமத்தின் பலமாக இருப்பதோடு அதன் விசேஷித்த சேவைத் தரத்திற்கு ஒரு சான்றும் ஆகும். சிறந்த வாடிக்கையாளர்களை பெற்றுத்தந்தமைக்காக எங்கள் ஊழியர்களுக்கும், எங்களை முதலிடத்தில் தரவரிசைப்படுத்தியதற்கு எங்கள் வாடிக்கையாளர்களுக்கும் நாங்கள் நன்றியுள்ளவர்களாக இருக்கிறோம். 2023ஆம் ஆண்டிலும் அதற்குப் பிறகும் இதே அளவிலான வாடிக்கையாளர் சேவை வழங்குவதை நாங்கள் இலக்காகக் கொண்டுள்ளோம்.
Allianz Lanka வின் பிரதம சந்தைப்படுத்தல் அதிகாரி திரு. மங்கள பண்டார கருத்து தெரிவிக்கையில், Allianz இன் வரலாற்றில் நாங்கள் இந்த நிலையை பெற்றுக்கொண்டது இதுவே முதல் தடவையாகும். இது எமது கடின உழைப்பின் பெறுபேறுகள் மற்றும் எமது வாடிக்கையாளர்கள் மத்தியில் நமது வலுவான வர்த்தக நாமத்தின் அங்கீகாரத்தை வெளிப்படுத்துகிறது. கோவிட்-தடுப்பு விழிப்புணர்வு திட்டங்கள், மனநலத் திட்டங்கள், எங்கள் வணிக வர்த்தகநாம பிரச்சாரம், புதுமையான கல்விசார் காணொளித் தொடர்கள், உரிமைக்கோரல்/onboarding ஆகியவற்றிற்கான டிஜிட்டல் செயலிகள் மற்றும் தொடர்ச்சியாக நடந்துகொண்டிருக்கும் CSR மற்றும் நிலைத்தன்மை உள்ளிட்ட பல முயற்சிகளை 2022 ஆம் ஆண்டில் ஆரம்பிக்க எங்களது துறைகளும் குழுக்களும் முழுமூச்சுடன் செயல்பட்டன.
இந்த முயற்சிகள் எங்களது வெற்றிக்கு பெரிதும் உதவியுள்ளன. எங்கள் வணிகப் பிரச்சாரத்தின் துவக்கம் மற்றும் சமூக ஊடக தளங்களுக்கான Simply Insurance காப்பீட்டு கல்வி காணொளித் தொடர்கள், கோரிக்கைகளுக்கான டிஜிட்டல் செயலிகளை உருவாக்குதல் போன்ற புதுமையான முயற்சிகள் இந்த வெற்றிக்கு வலுவாக பங்களித்துள்ளன என்று நான் நம்புகிறேன். Allianz Lanka என கூட்டாக அறியப்படும் Allianz Life Insurance Lanka Ltd. மற்றும் Allianz Insurance Lanka Ltd. ஆகியவை ஜெர்மனியின் Munich நகரைத் தலைமையிடமாகக் கொண்ட காப்புறுதி மற்றும் சொத்து மேலாண்மை வணிகங்களில் முதன்மையாகச் சேவைகளைக் கொண்ட உலகளாவிய நிதிச் சேவை வழங்குநரான Allianz SE க்கு முழுச் சொந்தமான துணை நிறுவனங்களாகும். Allianz குழுமத்தின் உலகளாவிய பலம் மற்றும் உறுதியான மூலதனமயமாக்கல் மற்றும் உள்ளூர் நிபுணத்துவம் மற்றும் வணிக அறிவு ஆகியவை, Allianz Lanka வின் வெற்றிக்கான சக்திவாய்ந்த சூத்திரமாக இருக்கின்றது.
