கேஜிஎப் படத்தின் இரண்டு பாகங்களை இயக்கி பிரபலமானவர் பிரசாந்த் நீல். அதையடுத்து பிரபாஸ் நடிப்பில் சலார் படத்தை இயக்கினார். அடுத்து அப்படத்தின் இரண்டாம் பாகத்தை இயக்கி வருகிறார்.

இதுதவிர ஜூனியர் என்டிஆர் நடிப்பில் ஒரு படத்தை இயக்குகிறார். இந்த நிலையில் விடாமுயற்சி படத்தை அடுத்து குட் பேட் அக்லி படத்தில் நடித்து வரும் அஜித்தை அடுத்தபடியாக பிரசாந்த் நீல் இயக்குவதாக ஒரு தகவல் வெளியாகி உள்ளது.

அப்படி அஜித்தை வைத்து அவரது 64வது மற்றும் 65வது படங்களை பிரசாந்த் நீல் இயக்க உள்ளதாகவும், அந்த இரண்டு படங்களையும் கேஜிஎப் தயாரிப்பான ஹோம்பாலே பிலிம்ஸ் தயாரிப்பதாகவும் கூறப்படுகிறது. அந்த வகையில் அடுத்தாண்டு 2025ல் அஜித் நடிக்கும் படத்தை பிரசாந்த் நீல் இயக்குவார் என்று கூறப்படுகிறது.

சில்லு கருப்பட்டி, ஏலே’ படங்களை இயக்கியவர் ஹலிதா ஷமீம். தற்போது இவர் இயக்கி உள்ள திரைப்படம் ‘மின்மினி’. 2015ல் இந்த படம் ஆரம்பமானது. குழந்தைகளாக இருந்து இளம் பருவத்தினராக மாறியவர்களை மையமாக வைத்து இதன் கதை உருவாகி உள்ளது. இதற்காக இந்த படத்தில் நடித்த குழந்தை நட்சத்திரங்களை, இளைஞர்களாக வளரும் வரை 7 ஆண்டுகள் காத்திருந்து நடிக்க வைத்துள்ளார் ஹலிதா.

மின்மினி படத்தின் இசை வெளியீட்டு விழா சென்னையில் நடந்தது. இதில் இப்பட இசையமைப்பாளரான ஏ.ஆர்.ரஹ்மானின் மகளான கதீஜா பேசுகையில் ‛‛இந்த படத்திற்கு இசையமைக்க முதலில் நான் தயாராக இல்லை. ஆனால் ஹலிதா விடாப்பிடியாக நான் தான் இசையமைக்க வேண்டும் என்பதில் உறுதியாக இருந்தார்.

ஒருகட்டத்தில் இந்த படத்திற்கு நான் தான் இசையமைப்பாளர் என அறிவித்த போது நிறைய டுவீட்களை பார்த்தேன். திறமையான நபர்கள் பலர் இருந்தபோதும் இவரை எதற்கு தேர்வு செய்தீர்கள் என பலரும் கமென்ட் செய்து இருந்தனர். அது என்னை மிகவும் பாதித்தது. இதற்காகவே நம் இயக்குநருக்கு நாம் பெருமை சேர்த்து கொடுக்க வேண்டும் என்பதில் உறுதியாக இருந்து கடுமையாக உழைத்தேன். உங்களுக்கு பிடித்தால் ஆதரவு தாருங்கள், இல்லையென்றால் வலைதளங்களில் மோசமாக திட்டாதீர்கள்” என்றார்.

தமிழ் சின்னத்திரையில் விஜய் டிவியில் ஒளிபரப்பாகி வரும் பிரபலமான நிகழ்ச்சி பிக் பாஸ். உலக நாயகன் கமல்ஹாசன் தொகுத்து வழங்கி வரும் இந்த நிகழ்ச்சி இதுவரை ஏழு சீசன்களை நிறைவு செய்துள்ளது.

விரைவில் எட்டாவது சீசன் தொடங்கப்பட உள்ளது. அதற்கான ஏற்பாடுகள் தற்போது விறுவிறுப்பாக நடைபெற்று வரும் நிலையில் இதில் போட்டியாளராக கலந்து கொள்ள போவது யார் யார் என்பது குறித்த தகவல் வெளியாகி உள்ளது.

இதோ அந்த லிஸ்ட்

1. ஜோயா

2. டிடிஎப் வாசன்

3. ரியாஸ் கான்

4. சோனியா அகர்வால்

5. பூனம் பாஜ்வா

6. குக் வித் கோமாளி அஸ்வின்

7. சுசித்ரா முன்னாள் கணவர் கார்த்திக்.

இணையத்தில் வைரலாகி வரும் இந்த லிஸ்ட் அதிகாரப்பூர்வ லிஸ்ட் இல்லை என்பது குறிப்பிடத்தக்கது.

அஜித் நடிப்பில் மகிழ்திருமேனி இயக்கத்தில் விடாமுயற்சி திரைப்படம் உருவாகி வருகிறது. இந்த படத்தில் திரிஷா, அர்ஜுன், பிக் பாஸ் ஆரவ், ரெஜினா காசண்டரா எனப் பல பிரபலங்கள் இணைந்துள்ளனர்.

இந்நிலையில் தற்போது விடா முயற்சி படத்தின் thirid look வெளியாகி இருக்கிறது.