கிராண்ட்ஸ்லாம் அந்தஸ்து பெற்ற பிரான்ஸ் ஓபன் டென்னிஸ் போட்டி பாரிஸ் நகரில் இடம்பெற்று வருகின்றது.
களிமண் தரை போட்டியான இதில் 2-வது சுற்று போட்டிகள் நடைபெற்றன.
ஆண்கள் ஒற்றையர் பிரிவில் செர்பியாவின் ஜோகோவிச், ஹங்கேரி வீரர் மார்ட்டன் பியூசோவிக்சுடன் மோதினார்.
முதல் செட்டை 7-6 என கைப்பற்றிய ஜோகோவிச் இரண்டாவது செட்டை 6-0 எனவும், மூன்றாவது செட்டை 6-3 என வென்று அடுத்த சுற்றையும் உறுதி செய்தார்.
மற்றொரு போட்டியில் ஸ்பெயினின் கார்லஸ் அல்காரஸ், ஜப்பான் வீரர் டாரோ டேனியலுடன் மோதினார். இதில் முதல் செட்டை அல்காரஸ் 6-1 என வெற்றி பெற்றார்.
2-வது செட்டை டேனியல் 6-3 என வெற்றி பெற்றார். இதையடுத்து அல்காரஸ் 3-வது மற்றும் 4-வது செட்டை 6-1, 6-2 என வெற்றி பெற்று மூன்றாவது சுற்றுக்கு முன்னேறினார்.
