சிம்பாப்வே கிரிக்கட் அணியின் முன்னாள் தலைவர் ஹீத் ஸ்ட்ரீக் இன்று (03) தனது 49 ஆவது வயதில் காலமானார்.
பெருங்குடல் மற்றும் கல்லீரல் புற்றுநோயால் பாதிக்கப்பட்டிருந்த நிலையில் ஹீத் ஸ்ட்ரீக் உயிரிழந்ததாக அந்த நாட்டு ஊடகங்கள் தெரிவிக்கின்றன.
ஹீத் ஸ்ட்ரீக் 2000 முதல் 2004 ஆம் ஆண்டு வரை சிம்பாப்வே அணியின் தலைவராக செயற்பட்டார்.
மேலும் சிம்பாப்வே அணிக்காக 65 டெஸ்ட் போட்டிகளிலும் 189 ஒருநாள் போட்டிகளிலும் இவர் விளையாடியுள்ளார்.
அத்துடன் சிம்பாப்வே அணி சார்பில் 100 டெஸ்ட் விக்கெட்டுகளை வீழ்த்திய ஒரே ஒரு வீரர் என்ற பெருமையையும் இவர் தன்வசப்படுத்தியிருந்தார்.
பந்துவீச்சில் மாத்திரமன்றி துடுப்பாட்டத்திலும் சிம்பாப்வே அணிக்காக சிறந்த பங்களிப்பை வழங்கியிருந்தார்.
இவர் டெஸ்ட் போட்டிகளில் 1990 ஓட்டங்களையும் ஒருநாள் போட்டிகளில் 2934 ஓட்டங்களையும் சிம்பாப்வே அணிக்காக பெற்றுள்ளார்.