உயிர்த்த ஞாயிறு தினம் (2019) நிகழ்ந்த பயங்கரவாத தாக்குதலை தடுக்க தவறியமை தொடர்பாக முன்னாள் பாதுகாப்புச் செயலாளர் ஹேமசிறி பெர்னாண்டோ மற்றும் முன்னாள் பொலிஸ்மா அதிபர் பூஜித் ஜயசுந்தர மீது தாக்கல் செய்யப்பட்ட வழக்கை செப்டம்பர் 18 ஆம் திகதி மீண்டும் விசாரணைக்கு எடுக்க கொழும்பு மேல் நீதிமன்றத்தின் மூவரடங்கிய அமர்வு உத்தரவிட்டது.
இன்று (ஜூலை 28) இந்த வழக்கு நீதிபதிகள் நாமல் பலல்லே மற்றும் மொஹமட் இர்ஷதீன் முன்னிலையில் விசாரணைக்கு வந்தது.
முன்னர் வழக்கை விசாரித்த நீதிபதி ஆதித்யா படபெந்திகே மேல்முறையீட்டு நீதிமன்றத்துக்கு பதவி உயர்வு பெற்றதால், புதிய நீதிபதிகள் அமர்வு நியமிக்கப்பட வேண்டிய நிலையில், மேலதிக சொலிசிட்டர் ஜெனரல் திலீப பீரிஸ் அதனை கோரியிருந்தார்.
நீதிபதிகள் அமர்வு பரிசீலித்து, வழக்கை செப்டம்பர் 18 ஆம் திகதி விசாரணைக்கு எடுத்துக்கொள்ள உத்தரவிட்டது.
