அவுஸ்திரேலியாவின் கிளென் மேக்ஸ்வெல் நெதர்லாந்துக்கு எதிரான போட்டியில் 40 பந்துகளில் சதம் விளாசினார்.
நெதர்லாந்துக்கு 400 இலக்கு
டெல்லியில் நடந்து வரும் நெதர்லாந்துக்கு எதிரான போட்டியில் அவுஸ்திரேலிய அணி 399 ஓட்டங்கள் குவித்துள்ளது.
டேவிட் வார்னர் 104 ஓட்டங்களும், ஸ்மித் 71 ஓட்டங்களும், லபுசாக்னே 62 ஓட்டங்களும் விளாசி ஆட்டமிழந்தனர்.
அதன் பின்னர் களம் கண்ட மேக்ஸ்வெல் சரவெடியாய் வெடித்தார். எதிரணியை பந்தாடிய அவர் தொடர்ந்து ஒரே ஒவரில் இரண்டு பவுண்டரிகள் மற்றும் மூன்று சிக்ஸர்கள் தொடர்ந்து அடித்து சதத்தை எட்டினார்.
அதிலும் 40 பந்துகளில் சதம் விளாசி மேக்ஸ்வெல் சாதனை படைத்தார். உலகக்கோப்பையில் அடிக்கப்பட்ட அதிவேக சதம் இதுவாகும்.
மொத்தம் 44 பந்துகளை எதிர்கொண்ட மேக்ஸ்வெல் 8 சிக்ஸர், 9 பவுண்டரிகளுடன் 106 ஓட்டங்கள் குவித்தார்.
