பிரபல அவுஸ்திரேலிய கிரிக்கெட் வீரர் கிளென் மெக்ஸ்வெல். தமிழ்ப் பெண் வினி ராமனை காதலித்து கடந்த ஆண்டு திருமணம் செய்து கொண்டார். இந்நிலையில் வினி ராமன் கர்ப்பமாகியுள்ளார். அதனால் அவருக்கு தமிழ் முறைப்படி வளைகாப்பு விழா நிகழ்ச்சி நடைபெற்று அதன் இந்த புகைப்படம் சமூக வலைத்தளங்களில் வைரலாகி வருகிறது.
மேக்ஸ்வெல் 2015 உலகக் கிண்ணம் மற்றும் 2021 ஐசிசி டி 20 உலகக் கிண்ணத்தை வென்ற அவுஸ்திரேலிய அணியில் இடம் பெற்றிருந்தார் என்பது குறிப்பிடத்தக்கது.
அவுஸ்திரேலிய அணிக்காக 7 டெஸ்ட் போட்டிகளில் விளையாடியுள்ள மேக்ஸ்வெல் 339 ஓட்டங்களையும், 128 ஒருநாள் போட்டிகளில் விளையாடி 3,490 ஓட்டங்களையும் குவித்துள்ளார். 98 டி20 போட்டிகளில் ஆடி 2159 ஓட்டங்களையும் குவித்துள்ளார். ஒருநாள் கிரிக்கெட்டில் 60 விக்கெட்டுகளையும், டி20-ல் 39 விக்கெட்டுகளையும் எடுத்திருக்கிறார்.
