விளையாட்டு உட்கட்டமைப்பு வசதிகளை மேம்படுத்தும் புதிய திட்டத்தை 2025–2027 காலப்பகுதியில் அமுல்படுத்த அமைச்சரவை அனுமதி வழங்கியுள்ளது.
விளையாட்டை மக்கள்மயமாக்குவதும், இளைஞர்களிடையே ஆரோக்கிய கலாச்சாரத்தை வளர்ப்பதும் நோக்கமாகக் கொண்டு, விளையாட்டு துறையில் மனித வளமும் உட்கட்டமைப்பும் முன்னேற்றப்படும் என அறிவிக்கப்பட்டுள்ளது.
விளையாட்டு அபிவிருத்தி திணைக்களம் மூன்று முக்கிய திட்டங்களை செயல்படுத்தவுள்ளது:
- விளையாட்டு கலாச்சாரத்தை உருவாக்குதல்
- கிராமிய பாடசாலைகள் மற்றும் இளைஞர் கழகங்களுக்கு விளையாட்டு வசதிகள் வழங்குதல்
- இனங்காணப்பட்ட முக்கிய விளையாட்டு பாடசாலைகளின் உட்கட்டமைப்பை அபிவிருத்தி செய்தல்
இத்திட்டம், போதுமான விளையாட்டு வசதிகள் இல்லாத இளம் தலைமுறையினர், வயது வந்தோர், விளையாட்டுக் கழகங்கள் மற்றும் பாடசாலைகளுக்குப் பெரிதும் பயனளிக்குமென எதிர்பார்க்கப்படுகிறது.
இந்த திட்டத்தை இளைஞர் விவகார மற்றும் விளையாட்டுத்துறை அமைச்சர் சமர்ப்பித்திருந்தார். இத்திட்டத்திற்கு தற்போது மத்திய அமைச்சரவை அங்கீகாரம் வழங்கியுள்ளது.
